Naupan Lai: Hming Vanga Buaina

Tunlai in Mizo tawng ziah dan dik leh dik lo tih vel post te ka chhiar a. Tlem in min ti tim ve deuh. Ka ziak pawp pawp a nga, a diklo a awm pawn min hau su.


Kan Tet Lai: Hmarveng Biakin Kawt ah Ka Unaute Nen Thla Kan La

Kan naupan lai chuan Saidan ah kan inkhawm thin. Sikul pawh kha Saidan sikul atang khan pawl li ka pass a nia. Saidan chu kan ngaihdan chuan thing tak a ni ringawt. Kha tih hunlai kha chuan concrete bulding hi Saidan ah khan a la awm lo in ka hria. Rangva in nei te kha chu hausa tak an ni mai.

Chuan ka mizo hming hi ka zahpui thin a. Sikul ah leh Biakin ah hian ka ziak tel ngai lo. Ka first name chuah hi ka ziak a, a tih mizo nan a hma ah Lal ka belh kher zel. Laldavid-a kha ka hming pum a ni mai pawl li kan nih thleng khan. Chuan Saidan kohhran atangin Hmarveng ah kan pem a, tlem in boruak hip pawh a changkang deuh. Hmarveng kha chu member pawh an lo tam zawk a, zai te pawh a nuam tham.

Presbyterian pawh kan inti ngai lo a. Eng Kohhran nge i nih min tih kha chuan Mission kan ti tawp zel. Tunah hian naupang ho hian an la ti thin a ngem le?

Sawi leh ta thin ila, ka mizo hming ka duh loh thin zia kha aw. Saidan ah kha chuan buaina ka tawk hran lo. Laldavid-a kha ka ni mai a. Tuman tunge i mizo hming min ti ngai lo. Mahse pawl li kan han exam dawn a, board exam a ni si. Buaina ka tawk ta! Kan zirtirtu Pu Chawnga'n office ah min ko a. "Mizo hming i neih a ngai" a ti a. Ka thin chu a sa but but a. Ka sawi ngam bawk si lo ka hming pum kha. Ka ngawi reng a. Pu Chawnga vek chuan-

"Eng hnam nge in nih?"

"Hmar Varte"

"Chuti chu David Varte tiin kan ziak mai ang i hming hi."

Hmingpum ziah ai chuan a zia deuh in ka hria a. Ka lung chu a awi zan chuang lo.

Hmar nih hi kan duh lo thei lutuk a. A chhan chu kan hmuh phak a Hmar ho kha kei ni ai a bal leh berh ve leh chhawng kha an nia. Kan zak deuh thin a. Kan hnam pawh hi ka nu in min hrilh tirh chuan ka duh lo a. Mahse, i duh e maw duh lo e maw, i nih tho tho a ngai a lawm a ti miau sia. Phur lo zet in Hmar Varte chu kan nih ve tak kha!

Pawl nga kan han nia. Saidan sikul ah kal reng theih tawh hek loh. Buaina hlir buaina hlir. Kan zirtirtu te khan ka hming ang kha an lo la hmu ngai si lo. Hming an han lam a, kan buai leh deuh nak thin. A tir lam phei kha chuan kan pawl a mi te ho kha ka hre hlawm vak bawk si lo a. Zahthlak duh haih haih thin teh mai a nia!

Nikhat chu Pu Ralliantawna'n, "Mizo hming i nei lo a mi?" tiin min han zawt leh a. Chutah ka bul a thu Zothantluanga chuan ring leng lawng hian ka mizo hming chu an sawi mai ah! Ka thin a sa up up a, ka thlan a tla zawih zawih bawk a. Kha mi ni khan Zothantluanga kha ka va han ngei tak e aw.....!! Ngam ila chuan tlai ban ah a bek ah arsa ka pe hrim hrim!

Chuan ka hming chu an han siam tha ta a. Tun thleng hian ka la pu hlen ve ta zel a ni.